Экология қалыпты!
18 ақпанда ҮМЗ Басқарма Төрағасы Сергей Бежецкий «Қазатомөнеркәсіп»ҰАК-ның өндірістік қауіпсіздігі жөніндегі XXIV корпоративтік кеңесіне қатысты. Онлайн-іс-шараға қатысушылардың назарына ҮМЗ өндірістік қызметінің қоршаған ортаға және халыққа кумулятивтік әсерін зерттеуге арналған баяндама ұсынылды. Сергей Владимировичтің сөзінің негізгі тезистерімен танысуды ұсынамыз.
Тарихи тұрғыдан алғанда, ҮМЗ ұзақ уақыт бойы қала тұрғындары аз білетін кәсіпорын болып қала берді. Нәтижесінде біздің зауыт Өскемен экологиясын негізгі ластаушылардың бірі деген ой және пікір қалыптасты. Бүгінгі таңда қала тұрғындарын сендіру үшін кәсіпорында көп нәрсе жасалуда. Атап айтқанда, 2021 жылдың наурыз айында тәуелсіз ұйым – «Лаборатория атмосфера» ЖШС жүргізген зерттеу жүргізілді.
Жыл бойы Өскемен, Курчатов қалаларындағы және «Қаражал» кенішіндегі ҮМЗ-ның өнеркәсіптік алаңдары тексерілді. Зерттеулер көрсеткендей, ҮМЗ-дан күкірт диоксиді мен азот шығарындылары Өскемен атмосферасының ластануына айтарлықтай әсер етпейді, ал гидрофторид бойынша зауыт шығарындыларының нормативтері басқа кәсіпорындардың нормативтерінен 6 есе аз және қаладағы барлық кәсіпорындардың шығарындылары үлесінің 18% құрайды, яғни атмосфераның сапасына қосымша елеулі әсер етпейді.
Атмосфералық ауаның Курчатовтағы байыту фабрикасына және «Каражал» кенішіне тән ерекше ластаушы заттармен ластану деңгейі белгіленген нормалардан аспайды, бұл атмосфералық ауаға әсер етудің рұқсат етілген деңгейін көрсетеді.
Өскемендегі судың сапасына ҮМЗ қызметі әсер етпейді. Байыту фабрикасының қалдық қоймасы мен «Қаражал» кеніші ауданындағы жер асты суларының ластануы нормативтерден аспайды.
Зауыт Өскемен топырағының сапасына да әсер етпейді. Байыту фабрикасы үйіндісі мен «Қаражал» кеніші ауданындағы топырақтың ластануы жол берілетін болып бағаланады.
Өсімдіктерге келетін болсақ, Өскемендегі өнеркәсіптік алаңның әсер ету аймағында сирек кездесетін және жойылып бара жатқан өсімдіктер жоқ. Табиғи тамақ және дәрілік өсімдіктер жоқ. ҮМЗ қалдық қоймасының өсімдіктерге әсері шамалы. Сонымен қатар, зауыт кәсіпорын аумағы мен санитарлық-қорғау аймағын Көгалдандыруға көп көңіл бөледі.
Қазақстанның Қызыл кітабына енгізілген жануарлардың сирек кездесетін немесе жойылып бара жатқан түрлері кәсіпорын объектілері орналасқан ауданда кездеспейді. Зауыт қызметінің жануарлар әлеміне әсері аз.
Аудан тұрғындары тарапынан ҮМЗ өндірісі қызметіне 2021 жылы өтініштер болған жоқ, бұл экологиялық қызмет бойынша компанияға наразылықтардың жоқтығын көрсетуі мүмкін. Бірақ жеке қоғамдық белсенділер мен журналистер тарапынан зауытқа деген қызығушылық сақталуда. Сондықтан біз БАҚ және корпоративтік портал арқылы тұрақты түсіндіру жұмыстарын жүргіземіз.
Юлия Антонова
